Skip to content
Shree Sarkhej Chaturvedi Modh Brahmin Gnati Samast Trust

જય શ્રી મોઢેશ્વરી માતાજી

શ્રી સરખેજ ચાતુર્વેદી મોઢબ્રાહ્મણ જ્ઞાતિ સમસ્ત ટ્રસ્ટ સરખેજ

A home for our families, traditions and seva, bringing the community together across generations.

Shree Modheshwari Matangi Mataji, Modhera

Who We Are

About Shree Sarkhej Chaturvedi Modh Brahman Gnati Samast Trust

આપણે સૌ શ્રી ક્ષેત્ર - સરખેજની પુનીત પાવન ધરતીના પુણ્યશાળી સંતાનો છીએ. સરખેજ શબ્દ શહરખેજ પરથી બન્યો છે.. શહરખેજ એટલે ઉગતો સૂર્ય. બીજો અર્થ સર+ખેજ એટલે “ઉન્નત મસ્તક રાખનાર ખુમારીવાળો યુવાન” સરખેજનું નામ અને આસપાસના અવશેષો જોતા એમ લાગે છે કે સરખેજ ઘણું પ્રાચીન અને ભવ્ય જાહોજલાલીવાળું સમૃદ્ધ ગામ હશે. શ્રી સરખેજની ધરતીએ સંતો- મહંતો, સન્યાસીઓ શ્રેષ્ઠ કલાકારો, વિદ્વાન શિક્ષકો, સ્વાતંત્ર્ય સેનાનીઓ, નિષ્ઠાવાન અધિકારીઓ, ધર્માનુરાગી આચાર્યો આપ્યા છે.એમના થકી શ્રી સરખેજગામ તેમજ સમસ્ત મોઢ બ્રાહ્મણ સમાજ અંત્યંત ગૌરવની લાગણી અનુભવે છે. શ્રી સરખેજ ચાતુર્વેદી મોઢ બ્રાહ્મણ જ્ઞાતિના આપણા પરમ વંદનીય પૂર્વજોએ આપણને ભવ્યાતિભવ્ય વારસો આપ્યો છે અને આજની નવી પેઢીએ પોતાના પુરુષાર્થ અને સુઝબુઝથી તે વારસાને ઉજ્જવળ બનાવ્યો છે.ઘણા સમયથી આપણી મોઢ બ્રાહ્મણ જ્ઞાતિની આર્થિક, ધાર્મિક, અને સામાજિક પ્રગતિ ઉત્તરોત્તર થતી રહી છે અને થતી રહેશે..આજે શ્રી સરખેજ ચાતુર્વેદી મોઢ બ્રાહ્મણ જ્ઞાતિ સમસ્ત ટ્રસ્ટ આપ સર્વે સુજ્ઞ જ્ઞાતિબંધુઓને ખુબજ પ્રેમ અને અંત્યંત આદરપૂર્વક આવકારે છે.

What we offer

Community Services

દાન

શ્રી સરખેજ ચાતુર્વેદી મોઢ બ્રાહ્મણ જ્ઞાતિ સમસ્ત ટ્રસ્ટ સમગ્ર જ્ઞાતિના કલ્યાણ માટે કાર્યરત છે. મુખ્યત્ત્વે શિક્ષણ સહાય, મેડિકલ સહાય, જરૂરિયાત મંદ મહિલાઓને સહાય તેમજ ધાર્મિક અને સામાજિક કાર્યક્રમો તેમજ ઉત્સવોનું આયોજન કરવામાં આવે છે. આ સઘળા કાર્યક્રમો કરવામાં જ્ઞાતિબંધુઓની અસીમ સહકારની જરૂર પડે છે અને આવો સાથ અને સહકાર સતત મળતો રહ્યો છે.

જ્ઞાતિ બંધુના અનન્ય સાથ સહકારથી આપણે અભૂતપૂર્વ કહીશકાય એવા કોમ્યુનિટી હોલનું નિર્માણ કરી શક્યા છીએ. આ ઉપરાંત આપણા કાયમી પ્રોજેક્ટને પહોંચી વળવા મોટાપાયે નાણાંની જરૂર પડે છે જેથી સર્વ જ્ઞાતિજનોને અવિરત દાનનો પ્રવાહ સતત ચાલુ રાખવા નમ્ર અપીલ કરીએ છીએ.

જ્ઞાતિમાં નીચેના હેતુમાટે દાન સ્વીકારવામાં આવે છે:

1. બિલ્ડીંગ ફંડ

2. શૈક્ષણિક સહાય - શિષ્ય વૃત્તિ

3. મેડિકલ સહાય

4. મહિલા સહાય

5. કુટુંબ કલ્યાણ સહાય

જેમાં, રૂ. ૧,૦૦,૦૦૦/- આપવાથી કોમ્યુનિટી હોલમાં ફોટો મુકવામાં આવશે તથા રૂ. ૫૦,૦૦૦/- નું અનુદાન આપવાથી કોમ્યુનિટી હોલમાં તકતી મુકવામાં આવશે. સામાન્ય રીતે આપ જેકાંઈ રકમ ઉપર જણાવેલ હેતુ માટે આપશો તો તે સ્વીકાર્ય છે.

આપના સાથ અને સહકારની અપેક્ષા સાથે

સમસ્ત ટ્રસ્ટી મંડળ

હોલ બુકિંગ

લગ્ન પ્રસંગ, જ્ઞાતિના મેળાવડા, તથા ધાર્મિક ઉત્સવ ની ઉજવણી ના હેતુ માટે લગભગ ૧૦૦૦ થી વધુ માણસોની કેપેસીટી વાળો બે માળનો અદ્યતન હોલ બાંધવામા આવ્યો છે.
- હોલ સંપૂર્ણ વાતાનુકુલીત છે.
- પાકિંગ ની સુવિધા છે.
મોટા કે નાના પ્રસંગ ને અનુરૂપ સગવડ અને તમારી જરુર મુજબ ચાર્જ -પેકેજ રાખેલ છે. હોલની અવેબીલીટી, નિયમો અને બુકીંગ માટે અમારો સંપર્ક કરવા વિનંતી

FAQs

Frequently Asked Questions

- ઘણા સમયથી સમસ્ત જ્ઞાતિબંધુ દેશ અને પરદેશમાં વસતા થયા છે જેથી દરેક જ્ઞાતિબંધુ વચ્ચે ભાઈચારો જળવાઈ રહે અને જ્ઞાતિની તથા સંસ્થાની તેમજ સમાજની તમામ ગતિવિધિની તથા કાર્યક્રમોની માહિતી મળી રહે તે મુખ્ય હેતુ છે.
* આ વેબસાઈટ માં દરેક પરિવારની વિગતો...
* મેટ્રિમોનિયલ સાઈટ દ્વારા યુવક યુવતીની પસંદગીની સરળતા રહે...
* હોલ બુકિંગની માહિતી સરળતાથી મળી શકે...
* જ્ઞાતિના વિવિધ કાર્યક્રમોની જાણકારી તવારિત મળી શકે તથા વિવિધ સમાચારો જાણી શકીએ...
* જ્ઞાતિના યુવાન, વડીલોના ધંધાકીય અને વ્યવસાયકિય માહિતી તવારિત મળી શકે જે તમામ જ્ઞાતિબંધુઓને ઉપયોગી થઇ શકે...

* આપણો આ પ્રથમ પ્રયાસ છે.
* રસ ધરાવતા જ્ઞાતિબંધુઓએ પોતાની પ્રોફાઈલ ફોટા સાથે સંમતિથી મુકવાની રહેશે.
* પ્રોફાઈલ માટેનું ફોર્મ અને અન્ય વિગતો હવે પછી ટૂંક સમયમાં વેબસાઈટ ઉપર મુકાશે.

આ અંગે પદ્ધતિ નક્કી કરીને જાહેરાતના દર સાથે ટૂંક સમયમાં વેબસાઈટના માધ્યમથી જણાવવામાં આવશે.

Get in touch

We'd love to hear from you

Admin Office Address

Shree Sarkhej Chaturvedi Modh Brahman Gnati Trust,
Nr. Shakri Talav, AMTS Bus Stand
Sarkhej – 382210

Email Us

sarkhejmodhbrahmin@gmail.com

Working Hours

Monday - Saturday
9:00 – 12:00 & 16:00 - 19:00